Almatydaǵy «Baraholka» bazaryndaǵy órt oqshaýlandy

ALMATY. KAZINFORM — Almatydaǵy «Baraholka» bazaryn sharpyǵan jalyn saǵat 18:38–de oqshaýlandy. Tilsiz jaýdan zardap shekkender joq.

Órtti sóndirýge TJM Qazavıaqutqarý sý tógý qurylǵysy bar tikushaq jumyldyrylyp, áýeden 6 ret órt oshaǵyna sý tókti. Órt aldyn ala 1600 sharshy metr alańda oqshaýlandy.

Qalalyq TJD málimetine sáıkes, oqıǵa ornynda ot óshirilgen. Alaıda órt sóndirýshiler qurylymdar men bólshekterdi qoparý jáne sý tógý jumystaryn júrgizip jatyr.

Eske salaıyq, búgin saǵat 17:30 shamasynda «Mızam» bazaryndaǵy qoımada ot tutanǵan bolatyn. Qutqarýshylar oqıǵa ornyna 6 mınýtta jetken.