Almatyda Jańa jyl túni qansha sábı dúnıege keldi

ALMATY. KAZINFORM — Almatyda Jańa jylǵa qaraǵan túni 21 sábı dúnıege keldi. Bul týraly Almaty qalasy ishki saıasat basqarmasynyń «Qoǵamdyq damý ortalyǵy» habarlady.

Dúnıe kelgen balalardyń on ekisi — qyz, toǵyzy — ul.

Eske sala ketsek, buǵan deıin Qazaqstan Respýblıkasynyń Táýelsizdik kúni elimizdiń medıtsınalyq uıymdarynda 725 sábı, onyń ishinde jeti egiz dúnıege kelgenin jazǵan bolatynbyz.

16 jeltoqsan kúni 362 ul bala ómirge kelse, dúnıe esigin ashqan qyz balanyń sany — 363 ekeni belgili boldy.

Sonymen qatar Densaýlyq saqtaý mınıstrliginiń alqa otyrysynda birinshi vıtse-mınıstr Tımýr Sultanǵazıev Qazaqstanda sábı ólimi 19,3%-ǵa tómendegenin aıtty.

Osydan bólek Almaty dárigerleri salmaǵy 1000 gramnan tómen 43 sábıdiń ómirin saqtap qalǵany aıtyldy.