Almatyda zańsyz saýda nysandary buzyldy

ALMATY. KAZINFORM – Almatydaǵy Rozybakıev kóshesi, 53 mekenjaıynda ruqsatsyz salynǵan turǵyn emes nysanǵa qosalqy qurylys anyqtaldy.

Bul týraly Qala qurylysy baqylaý basqarmasy málimdedi. Basqarma ınspektorlary júrgizgen túsindirý jumystarynyń nátıjesinde nysan ıesi óz erkimen buzý týraly sheshim qabyldady.

— Zańsyz salynǵan qurylys tolyqtaı óz kúshimen buzyldy, — delingen habarlamada. 

Basqarmanyń málimetinshe, qalada zańsyz qurylys faktilerin anyqtaý jáne onyń jolyn kesý jumystary kúsheıtilgen.

Eske salaıyq, Almatynyń qala qurylysyn baqylaý basqarmasy buǵan deıin júrgizilgen jospardan tys tekserý barysynda menshik ıesiniń ruqsatsyz 4 qabatty ǵımarat salǵany anyqtaǵan edi.  

Menshik ıesine qatysty ákimshilik sharalar qabyldanyp, sotqa talap aryz berildi. Uzaqqa sozylǵan sot protsesteriniń nátıjesinde apellıatsııalyq sot alqasy zańsyz salynǵan nysandy buzý týraly qaýly shyǵardy.

Al onyń aldynda Rozybakıev kóshesi, 166 mekenjaıynda ornalasqan dámhananyń zańsyz salynǵan jazǵy terrasasy buzylyp jatqanyn jazǵanbyz.