Almatyda veterınarlyq qyzmet dırektory sottaldy

ALMATY. KAZINFORM — Almaty qalasy Medeý aýdanynyń № 2 aýdandyq soty «Qalalyq veterınarııalyq qyzmet» ShJQ MKK dırektory M. Júnisovke jáne osy kásiporynnyń memlekettik satyp alý bóliminiń mamany R. Japarhanǵa qatysty úkim shyǵardy.

— Olar janýarlardyń obasyn anyqtaý úshin test-júıelerdi naqty jetkizbesten satyp alýǵa arnalǵan iri mólsherdegi bıýdjet qarajatyn jymqyrǵany úshin kináli dep tanyldy. Olarǵa ortasha qaýipsizdik mekemelerinde óteýmen 3 jyl merzimge bas bostandyǵynan aıyrý túrindegi jaza taǵaıyndaldy, — dep habarlaıdy Sybaılas jemqorlyqqa qarsy is-qımyl qyzmetinen.

Úkim zańdy kúshine engen joq.

Eske salaıyq, buǵan deıin Almatyda Gúlmıra Satybaldynyń soty bastalǵanyn jazǵanbyz. Sondaı-aq atalmysh sot otyrysynda jábirlenýshi kýálik bergenin jazǵan edik.