Almatyda V Jastar teatry forýmy bastaldy
ALMATY. KAZINFORM - 3-9 maýsym aralyǵynda Almaty qalasynda 9 memlekettiń qatysýymen V Jastar teatr forýmy ótedi. Osyǵan oraı, Almaty teatrynda TMD elderiniń besinshi jastar teatr forýmynyń ashylýyna arnalǵan baspasóz konferentsııasy ótti.
Almaty qalasynda 9 elden - Əzerbaıjan, Armenııa, Belarýs, Qazaqstan, Qyrǵyzstan, Moldova, Reseı, Təjikstan jəne Ózbekstannan 35 jasqa deıingi 200-den astam rejısser, dramatýrg jáne ózge de teatr maıtalmandary jınaldy. Forým TMD elderiniń shyǵarmashyl jastarynyń mədenıet pen óner salasyndaǵy yntymaqtastyǵyn arttyrý maqsatynda uıymdastyrylyp otyr.
- V Jastar teatr forýmy barysynda 9 elden 9 spektakl qoıylady. Ádilqazylar alqasy olardyń arasynan jeńimpazdardy anyqtap, olarǵa qarjylaı syıaqy men altyn, kúmis jáne qola qolshatyr syılaıdy. Forýmnyń úzdik qoıylymy 2025 jyly Máskeýde ótetin A.P.Chehov atyndaǵy XVII Halyqaralyq teatr festıvaline qatysýǵa múmkindik alady. Forým 2012 jyly Kıshınevte, 2015 jyly Mınskte, 2018 jyly Erevanda, 2021 jyly Erevanda ótken bolatyn. Endi 2024 jyly Almaty qalasynda teatr maıtalmandary jınalǵanyna qýanyshtymyz, - dedi TMD elderiniń besinshi jastar teatr forýmynyń uıymdastyrý komıtetiniń tóraǵasy Farhad Moldaǵalı.
Forým barysynda spektaklderden bólek sýretshiler katalogtary men jas dramatýrgterdiń pesalar jınaqtary, sheberlik synyptary, semınarlar, tanymal teatr qaıratkerleriniń dəristeri usynylmaq.
- Menińshe, teatr óneri jeke kózqarasqa baılanǵan. Teatr bul sport emes. Sondyqtan munda júldeli oryn alý basty maqsat emes. Bul forýmnyń mańyzy - onyń aǵartýshylyq paıdasynda, mádenıet pen ártúrli salt-dástúrlerdiń baılanysynda. Búgingi shıelenisken álemde teatr men óner - eń jaqsy dıplomattar dep aıta alamyz. Forým negizinen jastarǵa baǵyttalǵan, al jastar bizdiń bolashaǵamyz. Osy jastar bir-birimizdiń mádenıetimizdi, ómir saltymyzdy túsinip, syılaıtyn bolsa, álemdegi jaǵdaı bolashaqta jaqsara túsedi dep úmittenemin, - dedi A.S.Pýshkın atyndaǵy Məskeý drama teatrynyń kórkemdik jetekshisi Evgenıı Pısarev.
Japonııadan kelgen rejısser Motoı Mıýra forým barysynda jastardan jańa ıdeıa men ádis-tásilderdi úırenýden úmittenip otyrǵanyn aıtty.
- Forým kezinde spektaklderge baǵa beremin deý - artyq bolar. Men teatr súıer adam retinde barlyq qoıylymdardy asqan qyzyǵýshylyqpen tamashalaımyn. Qandaı da bir tyń ıdeıa ne ádister kórsem, olardy bolashaqta ózimniń qoıylymdarymda qoldanamyn. Óz bilgenimdi sizdermen bólisip, jańa nárselerdi sizderden úırenip Japonııaǵa aparsam deımin, - dedi «Chıten» japon teatrynyń kórkemdik jetekshisi Motoı Mıýra.
Aıta keteıik, TMD elderiniń besinshi jastar teatr forýmynyń shymyldyǵyn Farhad Moldaǵalıdiń «Mamluk. Sultan Beıbarys» spektakli ashty.
