Almatyda uıymdasa esirtki taratqandar ustaldy

ALMATY. KAZINFORM – Almatyda esirtki jelisinde ártúrli qyzmet atqarǵan adamdar ustaldy.

Almaty qalasy polıtsııa departamentiniń málimetinshe, Esirtki qylmysyna qarsy is-qımyl basqarmasy psıhotroptyq zattardy ınternet-resýrstar arqyly saqtap, taratýmen aınalysqan keń aýqymdy qylmystyq shemanyń jolyn kesti.

Jedel is-sharalar barysynda qalanyń ártúrli aýdandarynda bir qylmystyq jelige qatysy bar úsh kúdikti ustaldy.

- Árqaısysy óz rólin atqarǵan: biri – bólip qaptaý men «qaltasha» daıyndaýmen, ekinshisi – daıyn dozalardy tasymaldaýmen, úshinshisi – esirtkiniń iri partııalaryn saqtaýmen aınalysqan. Olardyń áreketteri kelisilgen jáne Almaty aýmaǵynda psıhotroptyq zattardy keń aýqymda taratýǵa baǵyttalǵan. Der kezinde atqarylǵan jedel sharalardyń nátıjesinde bul jeliniń qyzmeti tolyq toqtatyldy, – dedi Almaty qalasy PD Esirtki qylmysyna qarsy is-qımyl basqarmasynyń bastyǵy Murat Jumabaev.

Barlyq epızodtar boıynsha tıisti saraptamalar taǵaıyndalǵan. Polıtseıler kúdiktilerdiń ózge ınternet-dúkendermen jáne esirtki taratý faktilerimen baılanysyn tekserip jatyr.

Eske salaıyq, Almaty oblysynda 11 aıda 10,5 tonna esirtki tárkilendi.