Almatyda úshinshi temirjol vokzaly qashan salynady
ALMATY. KAZINFORM - Almaty-3 temirjol vokzaly Alataý aýdanynyń aýmaǵynda salynady. Jańa vokzaldyń jobasyn 2027-shi jylǵa qaraı aıaqtaý josparda tur.
Almaty ákiminiń orynbasary Asqar Ámrınniń aıtýynsha, Alataý aýdanyndaǵy Almaty-3 vokzalynyń qurylysy aglomeratsııany damytý jónindegi jobalar keshenine kiredi.
Jańa temirjol platformasy júk jáne jolaýshylar leginiń bir bóligin qaıta baǵdarlaýǵa, sonymen qatar, aınalymǵa qosymsha jolaýshylar poıyzdaryn qosýǵa múmkindik beredi, sonyń esebinen qalalyq avtojol ınfraqurylymynyń kólik júktemesi azaıady.
«Vokzal Mádenıet shaǵyn aýdany mańynda salynady. Platformany «Qazaqstan temir joly» salady. Bizdiń basty mindetimiz – egjeı-tegjeıli josparlaý jobasynda (ETJ) vokzal men vokzal mańyndaǵy alańdy qamtamasyz etý boldy. Qazir tehnıkalyq-ekonomıkalyq negizdemesi ázirlenýde. Vokzal men alańnyń jobalary boıynsha merzimder - 2026-2027 jyldar dep qarastyryp otyrmyz», – dedi Almaty ákiminiń orynbasary Asqar Ámrın.
Buǵan deıin Almaty josparynyń egjeı-tegjeıli jańa jobalary bekitilgeni týraly jazǵan bolatynbyz. Jańa joba qalanyń 2040 jylǵa deıingi Bas josparyna sáıkes ázirlendi.
