Almatyda Táýelsizdik kúni qandaı is-sharalar ótedi
ALMATY. KAZINFORM — Táýelsizdik kúni Almatyda túrli merekelik jáne resmı is-sharalar ótedi.
16 jeltoqsan - Respýblıka alańynda Táýelsizdik monýmentine gúl shoqtary qoıylady. Іs-sharaǵa ardagerler keńesiniń, qala ákimdiginiń, qoǵamdyq uıymdardyń, etnomádenı birlestikterdiń ókilderi jáne 1986 jyly jeltoqsan oqıǵasyna qatysýshylar qatysady.
17 jeltoqsan kúni - «Táýelsizdik tańy» eskertkishine gúl shoqtary qoıylady.
Jınalǵandar qaza tapqandardy bir mınýt únsizdikpen eske alyp, din ókilderi marqumdardyń rýhyna quran baǵyshtaıdy.
Sondaı-aq, merekelik is-sharalar qalanyń barlyq aýdanynda ótedi.
Almaly aýdanynda 13 jeltoqsanda «Ten Qogam» ortalyǵynda jáne Chaıkovskıı atyndaǵy Almaty mýzykalyq kolledjinde Jeltoqsan oqıǵasyna arnalǵan kontsertter ótedi.
Bostandyq aýdanynda 15 jeltoqsanda saǵat 16:00-de aýdandyq komıýnıtı ortalyǵynda «Táýelsizdik – máńgilik eldiń tuǵyry» taqyrybynda dóńgelek ústel ótedi. 16 jeltoqsanda saǵat 18:00-de Mega Alma-Ata saýda ortalyǵynda Nurǵısa Tilendıev atyndaǵy «Otyrar sazy» akademııalyq memlekettik folklorlyq-etnografııalyq orkestriniń kontserti bolady.
Medeý aýdanynda 13 jeltoqsanda saǵat 11:30-da B.Momyshuly atyndaǵy №131 mektep-lıtseıinde «Babalarym ańsaǵan – Táýelsizdik» atty kezdesý ótedi.
Túrksib aýdanynda 13 jeltoqsanda aýdannyń Belsendi uzaq ómir súrý ortalyǵynda zeınetkerlerge arnalǵan kontsert ótedi. 14 jeltoqsanda aýdandyq komıýnıtı ortalyǵynda Jeltoqsan oqıǵasyna qatysýshylar men jastardyń qatysýymen «Ardagerlerdi ardaqtaıyq» atty dóńgelek ústel ótedi.
Osy kúni Naýryzbaı aýdanynda saǵat 11:00-de Shuǵyla shaǵyn aýdany 347/4 mekenjaıyndaǵy Innovatsııalyq shyǵarmashylyq ortalyǵynda «Tuǵyry bıik – táýelsizdik» atty kontsert ótedi.
Áýezov aýdanynda 13 jeltoqsanda saǵat 11:00-de Almaty tehnologııalyq kolledjiniń akt zalynda «Táýelsizdik tynysyń, búgingi dáýletiń, erteńgi yrysyń» atty kontsert ótedi. Sonymen qatar, aýdannyń komıýnıtı ortalyǵynda Táýelsizdik kúnine arnalǵan fleshmob uıymdastyrylady.
Jetisý aýdanynda 13 jeltoqsan kúni saǵat 14:00-de №193 mektep ujymynyń qatysýymen mádenıet úıinde «Táýelsizdik – Tuǵyrym» atty merekelik kontsert ótedi.
Budan bólek, qaladaǵy barlyq bilim berý mekemesinde Jeltoqsan oqıǵasyna arnalǵan ashyq sabaqtar, konferentsııalar men kezdesýler ótkiziledi.
Osyǵan deıin Almatyda otshashý bolmaıtyny týraly jazǵan edik.