Almatyda «Shańyraq kúni» on bala ómirge keldi

ALMATY. KAZINFORM – «Shańyraq kúni» Almaty qalalyq №4 perzenthanada (otbasylyq qundylyqtar kúni) tórt ul, alty qyz ómirge keldi.

Perzenthana ujymy analarǵa merekelik is-shara daıyndady. Bı ansamblderi óner kórsetti, gıtara men dombyrada ánder oryndaldy. Jas analar úshin dástúrli ulttyq taǵamdar daıyndaldy. Sondaı-aq jas analardy otbasyndaǵy qýanyshpen quttyqtap, «Naýryz – bazar» estelik syılyqtary tabys etildi.

Qýanyshy qoınyna syımaǵan analar qýanyshtarymen bólisti. 31 jastaǵy almatylyq Erıka esimdi ana №4 perzenthanada tórtinshi balasyn dúnıege ákeldi.

«Bul jerde úlken sımvoldyq mán jatyr, men Naýryz merekesi qarsańynda bosandym, ásirese qyzymnyń dúnıege kelýi otbasylyq qundylyqtar kúnimen tuspa-tus keldi. Men qazir óte qýanyshtymyn. Ana bolý – úlken baqyt. Búgin bizdi saltanatty túrde quttyqtap, syılyqtar bergenderine óte rızamyn. Barshańyzdy kele jatqan Naýryz merekesimen quttyqtaımyn jáne barshańyzǵa zor densaýlyq, beıbitshilik, órkendeý, ár úıge amandyq pen baqyt tileımin», - dedi tórt balanyń anasy Erıka.

Aıta keteıik, búgin Qazaqstanda «Shańyraq kúni» – jalpyulttyq otbasylyq qundylyqtar men kirshiksiz mahabbat kúni atalyp ótýde.