Almatyda samokatqa qatysty jańa ereje engizilmek

ALMATY. KAZINFORM – Almatyda samokattardy jalǵa beretin kompanııalardyń qyzmetin qatań retteý qajet. Bul týraly Erbolat Dosaev Almaly aýdany turǵyndarymen kezdesýi barysynda aıtty. 

Aýdan turǵyndarynyń biri samokattarǵa qatysty máseleni kóterdi.

Aıtýynsha, samokat úshin qabyldanǵan erejelerge qaramastan, olarǵa qatysty oqıǵalar toqtar emes. Al, polıtsııa ony baqylaı almaı jatyr.

«Zańnamaǵa alǵashqy ózgerister engizildi, biraq men ekinshi ózgerister paketin Іshki ister mınıstrligine tapsyrdym. Kompanııa jumysyn retteý kerek. Olar óz jaýapkershiligin túsinýi tıis. Qalada mehanızm bar. Máselen, samokatty kóringen jerde qaldyryp ketýge bolmaıdy. Buǵan deıin adamdar jalǵa alý quny artatyndyqtan ýaqyt aıaqtalǵan kezde ony tastap ketetin. Paıdalanýshylar avtoturaqqa jetkizýi kerek, sodan keıin haos bolmaıdy. Jyldamdyq shekteýleri: GPS boıynsha jalǵa berý qyzmetteri eger olar jyldamdyqtyń joǵarylaǵanyn kórse, olar samokatty avtomatty túrde óshire alady. Sondaı-aq trotýarlarda júrgen samokatshylardy baqylaýǵa múmkindik beretin navıgatsııa bar», - dedi Dosaev.

Shahar basshysy zańǵa ózgerister engizilse, qaladaǵy shaǵyn kólik naryǵy retteletinin aıtty.

Byltyr májilis elektr samokattyń joldaǵy jyldamdyǵyna qatysty zańdy qabyldaǵan bolatyn. 

Keıin samokatpen júk tasymaldaýǵa tyıym salynatyny aıtyldy.