Almatyda iri kólemde alaıaqtyq jasaǵan kúdikti Oralda ustaldy
ORAL. KAZINFORM — «Quqyqtyq tártip» jedel-aldyn alý is-sharasy barysynda Oral qalasynyń aýmaǵynda polıtsııa qyzmetkerleri izdeýde júrgen 32 jastaǵy er adamdy qolǵa túsirdi.
BQO polıtsııa departamentiniń baspasóz qyzmetinen málim etkenindeı, atalǵan azamat iri kólemdegi alaıaqtyq jasady degen kúdikpen Almaty qalasy polıtsııa departamenti tarapynan izdestirilgen.
Qylmystyq is Almaty qalasy polıtsııa departamentinde tirkelgen.
— Qazirgi ýaqytta kúdikti ýaqytsha ustaý ızolıatoryna qamaldy. QR Qylmystyq is júrgizý kodeksi 201-babynyń talaptaryna sáıkes ózge aqparat jarııa etýge jatpaıdy. «Quqyqtyq tártip» respýblıkalyq jedel-aldyn alý is-sharasy óńir aýmaǵynda 10–13 naýryz aralyǵynda ótkizilip jatyr, — dep habarlady vedomstvodan.
Eske sala keteıik, budan buryn BQO-da ınternet alaıaqtar jábirlenýshilerge 1,8 mlrd teńge zalal keltirgenin jazǵan bolatynbyz.