Almatyda páter tonaýmen aınalysqan kúdiktiler ustaldy

ALMATY. KAZINFORM — Almatyda krımınaldyq polıtsııa qyzmetkerleri qala aýmaǵynda páter tonaýmen aınalysqan adamdar tobynyń qylmystyq áreketin áshkereledi.

Tergeý málimetinshe, top músheleri aldyn ala kelisip, júıeli túrde áreket etip, turǵyn úılerge zańsyz kirip, azamattardyń baǵaly zattary men múlkin urlaǵan.

— Qolǵa túsirý jáne odan keıingi tergeý áreketteri barysynda kúdiktilerdiń qylmystyq áreketterge qatysy bar ekenin dáleldeıtin zattaı aıǵaqtar tárkilendi. Urlanǵan múliktiń bir bóligi zańdy ıelerine qaıtaryldy, — dep habarlady polıtsııa.

Qazirgi tańda qylmystyq árekettiń birneshe deregi anyqtaldy. Ustalǵandardyń Almaty aýmaǵynda jasalǵan basqa da osyǵan uqsas qylmystarǵa qatysy bary tekserilip jatyr.

Atalǵan faktiler boıynsha sotqa deıingi tergep-tekserý jumystary bastaldy. Qajetti tergeý jáne jedel is-sharalary júrgizilip jatyr.

— Múliktik qylmystardyń aldyn alý jáne jolyn kesý baǵytyndaǵy jumys polıtsııanyń turaqty baqylaýynda, — delingen polıtsııa taratqan habarlamada.

Eske salaıyq, buǵan deıin Almatyda eki kúdikti jábirlenýshini baılap, zergerlik buıymdar men aqshany urlap ketkenin jazǵanbyz.