Almatyda kran qulap, bir adam mert boldy

ALMATY. KAZINFORM – Oqys oqıǵa 16:00 shamasynda Bostandyq aýdanynda bolǵan.

Almaty qalasy Polıtsııa departamentiniń málimetinshe, qurylys jumystary kezinde munaraly kran qulaǵan. Oqıǵa saldarynan kran operatory qaza tapty.

- Atalǵan derek boıynsha Bostandyq aýdandyq polıtsııa bólimi qylmystyq is qozǵady. Oqıǵanyń basqa da mán-jaılary anyqtalyp jatyr, - dep habarlady departamentten.

Al qalalyq Tótenshe jaǵdaılar qyzmeti oqıǵa ornyna birden ónerkásiptik qaýipsizdik basqarmasynyń qyzmetkerleri jáne qalanyń ózara is-qımyl qyzmetteri jiberilgenin málimdedi.

Eske salaıyq, buǵan deıin Almatyda kólik janarmaı beketine soqtyǵysqanyn jazǵanbyz.