Almatyda Konstıtýtsııa kúni qalaı atalyp ótedi
ALMATY. KAZINFORM – Almatyda Konstıtýtsııa kúnin merekeleý aıasynda dóńgelek ústelder, kórmeler, chellendjder, synyp saǵattary uıymdastyrylady.
Qalalyq ákimdiktiń habarlaýynsha, Almatyda merekelik kontsert 30 tamyz kúni keshki saǵat 19:00-de Abaı alańynda ótedi.
Aıta keteıik merekelik sharalar qalanyń barlyq aýdanynda ótedi:
- Bostandyq aýdanynda Konstıtýtsııa kúnin merekeleý qurmetine 29 tamyz saǵat 12:00-de Qazaq memlekettik tsırkite «Almaty circus festival» II halyqaralyq tsırk óneri festıvaliniń jeńimpazdary men júldegerleri halyqtyń áleýmettik osal toptary úshin qaıyrymdylyq qoıylym qoıady.
QR Konstıtýtsııasy kúnine arnalǵan kontsert 30 tamyz saǵat 15:00-de «Mega Alma-ata» SOO-da ótedi.
- Almaly aýdanynda QR Konstıtýtsııasy kúnine arnalǵan merekelik kontsert búgin 28 tamyz saǵat 19:00-de Abaı atyndaǵy Qazaq ulttyq opera jáne balet teatrynyń janyndaǵy «Nedelka» sýburqaǵy janyndaǵy skverde ótedi.
- Medeý aýdanynda Konstıtýtsııa kúnine arnalǵan merekelik kontsert 29 tamyzda saǵat 12:00-de Ortalyq mádenıet jáne demalys saıabaǵynda uıymdastyrylady.
- Alataý aýdanynda Konstıtýtsııa kúnine oraılastyrylǵan merekelik kontsert 29 tamyzda saǵat 16:00-de Atletıkalyq aýyl aýmaǵynda ótedi.
- Áýezov aýdanynda Konstıtýtsııa kúnine arnalǵan merekelik kontsert 29 tamyzda saǵat 18:00-de Family saıabaǵynda bolady.
- Túrksib aýdanynda QR Konstıtýtsııasy kúnine arnalǵan kontsert 29 tamyzda saǵat 18:00-de Saýranbaev kóshesindegi jaıaý júrginshiler aımaǵynda uıymdastyrylady.
- Jetisý aýdanynda tanymal ánshiler men balalardyń shyǵarmashylyq ujymdarynyń qatysýymen merekelik kontsert 30 tamyz saǵat 11:00-de «Gúlder» saıabaǵynda (Qulager sh/a., Serikov kóshesi, 2A), sondaı-aq, «Ata Zańym – aıbynym!» shyǵarmashylyq festıvali ál-Farabı skverinde ótedi.
- Naýryzbaı aýdanynda Konstıtýtsııa kúnine arnalǵan «Ata zańym aıbynym» merekelik kontserti 30 tamyz saǵat 11:00-de Amfıteatrda (Shuǵyla shaǵyn aýdany, 347) bolady.
Osyǵan deıin Almatyda beıbit jıyndar men sherýler ótkizý oryndary ózgeretini týraly jazǵan edik.
