Almatyda qaıtalama naryqtaǵy páterler kenetten arzandady

ASTANA. KAZINFORM — Aqpan aıymen salystyrǵanda, Almatynyń qaıtalama naryǵyndaǵy sharshy metrdiń quny 2,6%-ǵa tómendedi, dep habarlaıdy DATA HUB Ulttyq statıstıka bıýrosy derekterine silteme jasap.

Sońǵy ret bul segment aılyq tómendeýdi bir jyldan astam ýaqyt buryn, 2024 jyldyń jeltoqsanynda kórsetti.

Baǵanyń tómendeý aýqymy da nazar aýdartady — aǵymdaǵy qarqyndar 2,5 jyldaǵy eń eleýli sanalady.

Sonymen qatar, megapolıstiń bastapqy naryǵynda qańtardaǵy kóterilýden keıin salystyrmaly túrde tynyshtyq ornady — aqpanmen salystyrǵanda baǵalar azdap qana, 0,4%-ǵa kóterildi (bir aı buryn dınamıka múldem bolmaǵan).

Almatyda jalǵa alý ekinshi aı qatarynan arzandap jatyr. Atap aıtqanda, naýryz aıynda onyń quny a/a 0,8% tómendedi, al aqpan aıy a/a 1,3% tómendeýmen aıaqtaldy. Baǵalar eleýli segiz aılyq ósimnen keıin tómendeýde (ortasha qarqyn — a/a +1,9%).

Al Astananyń jaǵdaıy qalaı?

Elordada da qaıtalama naryqtyń baǵalar tómendeýde, a/a -0,9%. Bul jerde mundaı qubylys jıi bolady: buǵan deıin sharshy metr 2025 jyldyń maýsymynda arzandady. Sonymen qatar jaldaý aqysy azaıýda — a/a -1,1%. Al bastapqy naryq, kerisinshe, qymbattaýda — a/a 2,2%-ǵa.

Budan buryn Balqashta tozyǵy jetken turǵyn úı qorynyń jańarýy nege keıinge shegerilip otyrǵanyn jazǵan edik.