Almatyda Gúlmıra Satybaldynyń soty bastaldy

ALMATY. KAZINFORM – Almatyda kásipker Qaırat Satybaldyulynyń burynǵy áıeli Gúlmıra Satybaldyǵa asa iri mólsherde bopsalaý jáne ózin-ózi basqarý boıynsha aıyp taǵylyp otyr.

Basty sot otyrysy Almaty qalasynyń qylmystyq ister jónindegi mamandandyrylǵan aýdanaralyq sotynda ótip jatyr. G.Satybaldadan bólek onyń júrgizýshisi Mádı Batyrshaev ta aıyptalýshy sotynda otyr. 

Tyńdaýlar oflaın rejımde ótedi.

Sot otyrysy bastalmas buryn sot aıyptaý jáne qorǵaý tarapyn tyńdap, sottalýshylar men olardyń advokattaryn fotoǵa túsirýge jáne jarııalaýǵa tyıym saldy. 

Sýdıa tártip buzýshylarǵa shara qoldanylatynyn da eskertti.

Aıta keteıik, aldyn ala tyńdalym kezinde, aıyptalýshy G. Satybaldy alqabıler sotyna qatyspaıtynyn jetkizgen bolatyn. 

Esterińizge sala keteıik, byltyr Gúlmıra Satybaldy bireýdiń múlkin ıemdený jáne jymqyrý qylmystyq isi boıynsha 7 jylǵa bas bostandyǵynan aıyrylǵan bolatyn. 

Sondaı-aq sot oǵan 10 jyl boıy kommertsııalyq uıymdarda basshylyq laýazymdardy atqarýǵa tyıym saldy.

Gúlmıra Satybaldy kásiporyndardyń qatysý úlesin zańsyz ıemdený, sonyń ishinde adam urlaýmen ushtasqan eki fakti boıynsha tergeýge alynǵan edi. Jábirlenýshige kelgen zalal somasy – 6,6 mlrd teńgeden asady. 

Sondaı-aq, Gúlmıra Satybaldynyń sotqa deıingi tergeý kezinde shekara asyp ketpek bolǵan. 

Sonymen qatar, Gúlmıra Satybaldy aıyptaýlarmen kelispeıtinin aıtyp, ádil sheshim qabyldaýǵa ótinish jasaǵan bolatyn.