Almatyda esirtki taratqan 21 jastaǵy sheteldik ustaldy
ALMATY. KAZINFORM - Almatyda shetel azamaty sıntetıkalyq esirtkimen ustaldy.
Polıtsııa qyzmetkerleri kúdiktiniń kóligin Alataý aýdanyndaǵy «Shańyraq» shaǵyn aýdanynda toqtatqan. Kólikti tekserý barysynda odan tyıym salynǵan zattar tabylǵan.
— Ustalǵan 21 jastaǵy jigittiń ózi sıntetıkalyq esirtkini ınternet arqyly satýmen aınalysqanyn moıyndady. Sheteldik azamat qalamyzǵa birneshe aı buryn kelip, avtokólikti jalǵa alǵan. Jumysynyń aqysyn elektrondy aýdarymdar arqyly alyp otyrǵan. Ustalǵan azamat ýaqytsha ustaý ızolıatoryna qamaldy. Esirtki satý deregi boıynsha Alataý aýdandyq PB qylmystyq is qozǵady, - dedi Esirtki qylmysyna qarsy kúres basqarmasynyń bastyǵy Murat Jumabaev.
Eske salaıyq, buǵan deıin Shymkentte esirtki taratqan eki áıel ustalǵanyn jazǵanbyz.