Almatyda erekshe balanyń qolyn buraǵan qyzmetker qamaldy

ALMATY. KAZINFORM – Almatyda balalardy túzeý ortalyǵynyń qyzmetkeri qamaýǵa alyndy.

Qalalyq polıtsııa departamenti jedel-tergeý sharalary barysynda kúdikti ustalyp, ýaqytsha ustaý ızolıatoryna qamalǵanyn atap ótti.

Almaly aýdandyq polıtsııa basqarmasy túzetý ortalyqtarynyń biriniń qyzmetkeri tarapynan jasalǵan áreket boıynsha qylmystyq is qozǵaǵan.

- Qazirgi ýaqytta oqıǵanyń mán-jaıyn jan-jaqty jáne obektıvti anyqtaýǵa baǵyttalǵan tergeý áreketteri júrgizilip jatyr. Beınebaqylaý kameralarynyń jazbalary zerdelenip, kýálar men iske qatysy bar ózge de tulǵalardan jaýap alynady. Tergeý barysy Almaty qalasy polıtsııa departamenti basshylyǵynyń erekshe baqylaýynda, - dep habarlady departamentten.

Eske salaıyq, áleýmettik jelide balalar ortalyǵyndaǵy jattyqtyrýshynyń kishkentaı balanyń qolyn burap jatqany beınelengen beınejazba jarııalandy. Oqıǵaǵa baılanysty QR Bala quqyqtary jónindegi ýákil Dınara Zakıeva pikir bildirdi.