Almatyda eki turǵyn úı buzylady
ALMATY. KAZINFORM — Almatyda sot sheshimi boıynsha eki turǵyn úı buzylady.
Almatynyń qala qurylysyn baqylaý basqarmasynan málim etkendeı, 3 qabatty turǵyn úıler Nur - Alataý shaǵyn aýdany K.Taýasarluly kóshesi, 71/21 mekenjaıdaǵy bir ýchaskede ornalasqan. Jospardan tys tekserý barysynda ruqsat berý qujattarynyń tolyq paketiniń joqtyǵy anyqtaldy, nátıjesinde menshik ıelerine (jeke tulǵaǵa) qatysty ákimshilik sharalar qabyldandy.
- Basqarma Bostandyq aýdandyq sotyna nysandardy buzý týraly talap aryz berdi. 2023 jyldyń 29 qyrkúıeginde sot eki úıdi buzý týraly sheshim qabyldady. 2024 jylǵy 31 qańtarda Almaty sotynyń qaýlysymen aýdandyq sottyń sheshimi ózgerissiz qaldy. Keıin sot sheshimi ádilet departamentine kelip tústi, onda atqarýshylyq is qozǵaldy, - delingen habarlamada.
Buzý jumystaryn menshik ıeleri sot oryndaýshylarynyń qatysýymen erikti túrde bastaıdy.
Osyǵan deıin «Qaraǵaıly» shaǵyn aýdanynda ornalasqan turǵyn úı kesheni buzylǵany týraly jazǵan edik.
Almatyda ótken jyldyń basynan beri 55 zańsyz nysan, onyń ishinde «Mechta», KHAN, «Alma Garden» turǵyn úı keshenderi jáne basqa da nysandar tolyq nemese jartylaı súrildi.