Almatyda baraholka bazarynan shyqqan órt sóndirildi
ALMATY. KAZINFORM — Almatynyń Alataý aýdanynda 2300 sharshy metr aýmaqta konteınerler órtendi.
Almaty TJD kúsh-quraldary oqıǵa ornyna jetken kezde Alataý aýdany Soltústik aınalma joly, 78/1 mekenjaıynda ornalasqan saýda býtıkteriniń (eki deńgeıde ornatylǵan konteınerlerdiń) ashyq jalynmen janyp jatqanyn anyqtady.
Órt sóndirý jasaqtary oqıǵa ornyna alty mınýtta jetti. Órttiń kesh habarlanýyna baılanystyń tilsiz jaý bet qaratpaı órshı túsken.
«Jedel shtabtyń jumysy uıymdastyryldy. Órt sóndirýdiń birneshe ýchaskesi qurylǵan. Sý úzdiksiz berilip jatyr» dep habarlady TJM.
Órtti sóndirýge Qazavıaqutqarý tikushaǵy jumyldyryldy. Jalynǵa tikushaqpen alty márte 30 tonna sý tógildi.
Túngi 23:00 shamasynda órt tolyǵymen sóndirildi.
Jalyn 2300 sharshy metr alańdy sharpyǵan.
Zardap shekkender joq. Órttiń sebebi anyqtalyp jatyr.
Japsarlas salynǵan shamamen 5 myń sharshy metrlik býtıkterge ot jaıylmady.
Órtti aýyzdyqtaýǵa TJM kúsh-quraldarynyń jeke quramynan 110 adam men 23 tehnıka, 1 tikushaq jumyldyryldy.
Oqıǵa ornynda anyqtaýshylar jumys istep jatyr.
