00:18, 23 Aqpan 2025 | GMT +5
Almatyda azyq-túlik dúkeninen órt shyqty
ASTANA. KAZINFORM — Abyroı bolǵanda almatylyq qutqarýshylar órttiń taralýyna jol bermedi, dep habarlaıdy TJM baspasóz qyzmeti.

Naýryzbaı aýdanynda Jýaly kóshesinde ornalasqan 2 qabatty ǵımarattyń ekinshi qabatynda azyq-túlik dúkeni órtendi.
— Órt sóndirý jasaqtary kelgen kezde azyq-túlik dúkeni ashyq jalynmen janyp jatty. Janynda turǵan qurylystarǵa órttiń taralý qaýpi boldy. Órt sóndirýshiler órttiń taralýyna jol bermeı, 40 sharshy metr alańdaǵy órtti jedel túrde sóndirdi. Zardap shekkender joq, sebebi anyqtalýda, — delingen taraǵan aqparatta.
Buǵan deıin Aqtóbede polıetılen ónimderin shyǵaratyn tseh órtengenin jazǵan edik.