Almatyda Aıaz atalar sherýi ótti
Almatyda Aıaz atalardyń jańa jyldyq sherýi uıymdastyryldy. Ertegi keıipkerleri megapolıs turǵyndary men qonaqtaryn kele jatqan Jańa 2024 jylmen quttyqtap, qalanyń ortalyq kóshelerimen júrip ótti, dep habarlaıdy Kazinform.
Bas shyrsha ornalasqan Abaı alańynan bastaý alǵan saltanatty sherý Astana alańynda aıaqtaldy. Marshrýttyń sońǵy núktesin tańdaý kezdeısoq emes – dál osy jerde 31 jeltoqsanda negizgi jańajyldyq kontsert ótip, otshashý bolady.
Jol boıynda Aıaz atalar júrginshilerdi Jańa jyl merekesimen quttyqtap, ár túrli jańajyldyq ánder oryndady.
«Biz balalarǵa jaqsy kóńil-kúı men umytylmas emotsııalar syılaı alǵanymyzǵa qýanyshtymyz. Qala turǵyndary men qonaqtary sherýge qatysýshylarmen estelikke sýretke túsip, suraqtarǵa jaýap berip, óleńder oqyp, syılyqtar men táttiler aldy. Sherýge 60 adam qatysty. Aıaz ata sherýin ekinshi jyl qatarynan ótkizip jatyrmyz, bul Jańa jyl qarsańynda jaqsy dástúrge aınalyp barady», - dep atap ótti Almaty qalalyq Mádenıet basqarmasynan.
Vedomstvodan málim etkendeı, 21 jeltoqsannan bastap kún saıyn Abaı men Astana alańynda tanymal ártisterdiń, live-bend jáne dıdjeılerdiń qatysýymen kontsertter, ártúrli balalar baıqaýy, oıyndar men anımatorlarmen ınteraktıvti is-sharalar ótip jatyr.
Jańa jyldyq qysqy festıval aıasynda 27-31 jeltoqsan aralyǵynda, qalanyń ár aýdanynda kontsertter uıymdastyrylyp jatyr.
Aıta keteıik, 20 jeltoqsan kúni Almatyda bas shyrshanyń shamy jaǵylǵan bolatyn.
