Astanada álemdik mánerlep syrǵanaý juldyzdary óner kórsetti
ASTANA. KAZINFORM – Astanada 1 mamyr kúni «Muz aıdynyndaǵy chempıondar» atty aýqymdy muz shoýy ótti. Qoıylym «Barys Arena» muz saraıynda uıymdastyrylyp, oǵan 9 myńnan astam kórermendi jınaldy.
Shoýdy álemge tanymal bapker Eterı Týtberıdze basqardy. Oǵan álemdik mánerlep syrǵanaý sportshylary – Elızabet Tursynbaeva, Alına Zagıtova, Aleksandra Trýsova, Adelııa Petrosıan, Petr Gýmennık jáne basqa da belgili sportshylar qatysty.
Uıymdastyrýshylardyń habarlaýynsha, shoýǵa qyzyǵýshylyq joǵary boldy. Kórermender qatarynda tek elorda turǵyndary ǵana emes, Qazaqstannyń ártúrli aımaǵynan jáne jaqyn, alys shetelderden kelgen adamdar boldy.
Mundaı aýqymdy is-sharalardyń ótkizilýi Astananyń halyqaralyq sporttyq jáne mádenı jobalardy ótkize alatyn mańyzdy alań ekenin taǵy bir márte dáleldeıdi.
Eske salsaq, buǵan deıin Astanada ótken ultaralyq aıtysta Eldana Gaberman kúmis júldeger atanǵanyn habarlaǵan edik.
