Almatyda Alǵys aıtý kúnine oraı qandaı is-sharalar ótedi
ALMATY. KAZINFORM – Almatyda Alǵys aıtý kúnine arnalǵan is-sharalar 29 aqpanda bastalady.
Almaty ákimdigi taratqan málimette 29 aqpanda saǵat 11:00 - de Memlekettik muraǵatta Almaty qalasynyń etnomádenı qoǵamdyq birlestikteri ókilderiniń qatysýymen «ALǴYS AITÝ-ASYL QASIET» atty dóńgelek ústel otyrysy ótedi.
Mereke kúni Almaty mektepterinde synyp saǵattary men ashyq sabaqtar, sondaı-aq qalalyq kitaphanalarda kitap kórmeleri men ádebı saǵattar ótedi.
1 naýryzda Almatyda kelesi is-sharalar ótedi:
- «Senim» áleýmettik qyzmetter ortalyǵynda saǵat 10:30 – da «Alǵys aıtý – paryzym» kontserti ótedi, al «Jańa ǵasyr» jastar teatrynyń aktelary saǵat 11:00-de №2 qalalyq balalar úıinde «Arystan patsha» spektaklin qoıady.
- Memlekettik qýyrshaq teatrynda saǵat 11:00-de «Alladınniń sıqyrly shamy», al 16:00-de «Arystannyń qorqynyshyn qalaı emdeýge bolady?» spektaklderi kórsetiledi.
- saǵat 11:00-de Ahmet Baıtursynov murajaı-úıinde ǵalymdar, tarıhshylar men alashtanýshylardyń qatysýymen Alǵys aıtý kúnine oraılastyrylǵan dóńgelek ústel ótedi.
- saǵat 15:00-de Alatau Cretive Hub-ta mektep oqýshylary arasynda «Alǵysqa toly aq júrek!» poetıkalyq konkýrsy bolady.
- dál osy ýaqytta D. A. Qonaev mýzeıinde merekege oraı «Qurmetti Dinmuhamed Ahmeduly» hattar kórmesi ashylady.
- N.Tilendıevtiń memorıaldyq mýzeıinde saǵat 16:00-de «Rızashylyq meıirimdilik bulaǵy» atty merekelik kontserttik baǵdarlama uıymdastyrylady.
Almaty qalasynyń volonterlik uıymdary mereke kúni qalalyq kommýnaldyq qyzmetterge shaı men baýyrsaq taratýdy jáne qalanyń pansıonattarynda jalǵyzbasty zeınetkerlerdi quttyqtaýdy uıymdastyrýdy josparlap otyr. Sondaı-aq, qalanyń árbir komıýnıtı ortalyǵynda kontsertter men túrli formattaǵy is-sharalar uıymdastyrylady.
Qalanyń keıbir aýdandarynda merekelik kontsertter ótedi:
- Túrksib aýdanynda 29 aqpan kúni saǵat 15:00-de №6 Oqýshylar úıinde Alǵys aıtý kúnine arnalǵan «Alǵysym sheksiz halqyma» atty kontserttik is-shara ótedi.
- Naýryzbaı aýdanynda 1 naýryz kúni saǵat 12:00-de Shuǵyla sh/a, 347/4 mekenjaıda oqýshylardyń ınnovatsııalyq shyǵarmashylyq ortalyǵynda. merekelik kontsert ótedi.
- Áýezov aýdanynda 1 naýryz kúni saǵat 12:00-de Almaty servıstik qyzmet kórsetý kolledjinde Qabdolov kóshesi, 12 mekenjaı boıynsha aýdannyń shyǵarmashylyq ujymdarynyń qatysýymen merekelik kontsert ótedi.
