Almatyda Alǵys aıtý kúnine oraı qandaı is-sharalar ótedi

ALMATY. KAZINFORM — Almatyda Alǵys aıtý kúnine arnalǵan is-sharalar 25 aqpanda bastalady.

Mereke aıasynda mádenı-áleýmettik is-sharalar ótedi:

— 25 aqpan — Qazaqstan halqy Assambleıasynyń etnomádenı birlestikteriniń shyǵarmashylyq ujymdarynyń kontserti ótedi.

— 28 aqpan — qarttar úıinde qaıyrymdylyq túski as beriledi.

— 1 naýryz — Dostyq úıinde Qazaqstan halqy Assambleıasy Analar keńesiniń qolóner kórmesi ótedi. Nemis úıinde «Ártúrli shyǵý tegi — teń múmkindikter» otbasylyq qonaq bólmesi, sondaı-aq muqtaj jandarǵa kómek kórsetýge arnalǵan qaıyrymdylyq aktsııasy uıymdastyrylady.

— 2 naýryz — Medeý aýdanynyń Komıýnıtı ortalyǵynda fleshmob ótedi.

Qazaqstan halqy Assambleıasy múshesi Ershat Asmatovtyń aıtýynsha, «Qazaqstanda Alǵys aıtý kúni — elimizde ómir súretin barlyq halyqtardyń qurmeti men birliginiń sımvoly.

— Merekeniń basty ıdeıasy — Qazaqstandaǵy halyqtar dostyǵyn, etnosaralyq jáne konfessııaaralyq kelisimdi nyǵaıtý. Qazaqstan halqy Assambleıasy ony uıymdastyrýda negizgi ról atqarady jáne qoǵamnyń birligin arttyrýǵa baǵyttalǵan túrli jobalardy júzege asyrady. Bul kún ártúrli etnos ókilderiniń qıyn kezeńderdi eske alyp, qazaq halqyna qonaqjaılyǵy men qamqorlyǵy úshin alǵys aıtatyn ýaqyty. Bul tarıhı jadymyzdy saqtaýǵa, ózara qurmet pen qoǵamdaǵy birlikti nyǵaıtýǵa kómektesedi, — dep atap ótti Asmatov.

1 naýryz — Alǵys aıtý kúni. Elimizde bul kún 2016 jyly 14 qańtarda mereke retinde jarııalanǵan bolatyn.