Almatyda 7 turǵyn úı kesheni jaryqsyz qaldy

ALMATY. KAZINFORM — Kazinform redaktsııasyna «Ójet» turǵyn úı keshenderiniń turǵyndary shaǵymdandy.

Alataý aýdanynda ornalasqan «Ójet» turǵyn úı kesheniniń turǵyndary jaryqsyz qaldy.

— Bul turǵyn úı keshenin 2022 jyly « Sheber» qurylys kompanııasy salǵan. Olar EnergoSbyt-qa 10 mln teńge qaryz bolyp qalǵan. Endi «Alataý Jaryq kompanııasy» AQ eshqandaı tekserýsiz jaryqty sóndirip tastady. Munda 80 páterden jeti kópqabatty úı bar. Aı saıyn tutynǵan elektr energııa úshin aqsha tólep otyrmyz. Nege qurylys salýshynyń qaryzyn biz óteýimiz kerek, — deıdi turǵyndardyń biri Indıra Ádilbekova.

«Alataý Jaryq kompanııasy» AQ jaǵdaıǵa qatysty túsinik berdi.

— Atalǵan turǵyn úı keshenine elektr energııasy qosyldy, alaıda «EnergoSbyt» aldyndaǵy qaryzy tolyq jabylmaıynsha óshirilip turady, — dep habarlady kompanııanyń baspasóz qyzmeti.

Buǵan deıin «AJK» — «EnergoSbyt» AQ fılıaly bereshegi bar tutynýshylarǵa qatysty elektrmen jabdyqtaýdy shekteý sharalaryn kezeń kezeńimen engizýdi bastaıtyn eskertken bolatyn. 

Osyǵan deıin elde elektr jaryǵynyń shekti tarıfi ózgerýi múmkin ekeni týraly jazǵan edik.