Almatyda 6 qabatty ákimshilik ǵımaraty órtendi
ASTANA. KAZINFORM — Oqys oqıǵa Almaty qalasy Jetisý aýdany Novgorodskaıa kóshesi boıynda ornalasqan 6 qabatty ákimshilik ǵımaratta boldy, dep habarlaıdy qalalyq TJD.
Birden joǵary dárejeli shaqyrtýmen qutqarýshylar kelip jetti.
— Órt sóndirý eseptoptarynyń jedel kelýine qaramastan, órt órship ketken. Ǵımarattyń shatyry men qaptamasy tolyǵymen jalyndap janyp jatty. Órtti sóndirý ǵımarat ishindegi úlken janǵysh júktememen, atap aıtqanda lak-boıaý ónimderiniń bolýymen kúrdelenedi, — delingen habarlamada.
Órt ornynda Almaty qalasy TJD bastyǵy polkovnık Nurlan Atyǵaevtyń basshylyǵymen jedel órt sóndirý shtaby jumys istedi.
— Úzdiksiz sý berý uıymdastyryldy. Órtti sóndirýge 25 tehnıka jáne 85 qyzmetker jumyldyryldy. Qyzyl jalyn jaqyn jerdegi ǵımarattarǵa taralmady. Sonymen qatar órtti aýyzdyqtaýǵa memlekettik emes órtke qarsy qyzmetter de tartyldy. Máselen «Astana sý» sý tasymaldaýǵa kómektesti, — dedi Almaty qalasy TJD bastyǵy Nurlan Atyǵaev.
Sondaı-aq órtti sóndirýge TJM avtopoıyz tartyldy. 06:45–te Órt sóndirildi. Zardap shekkender joq.
Buǵan deıin Almaty oblysynda órtengen kólik ishinen máıit tabylǵany habarlandy.