Almatyda 47 jastaǵy er adamdy mıkroavtobýs basyp ketti

Almatyda tańǵy ýaqytta belgilenbegen jerden ótip bara jatqan er adam mıkroavtobýstyń astyna túsip mert boldy, dep habarlaıdy Kazinform.

Jol apaty búgin tańǵy 05.20 shamasynda Buqtyrma-Maılın kósheleriniń qıylysynda bolǵan. 

Almaty qalalyq polıtsııa departamentiniń málimetinshe, Buqtyrma kóshesimen soltústik baǵytta «Iveco» markaly avtokóligin júrgizip kele jatqan J. esimdi azamat Maılın kóshesine ońǵa burylý kezinde belgilenbegen jerden ótip bara jatqan 1976 jyly týǵan I. atty jaıaý júrginshini qaǵyp ketedi.

Ol oqıǵa ornynda kóz jumdy.

«Atalǵan derek boıynsha Almaty qalalyq polıtsııa departamentiniń tergeý basqarmasy QR QK 345-baby 3-bóligine sáıkes sotqa deıingi tergeý amaldaryn bastady. Saraptama taǵaıyndaldy», - dep habarlady polıtsııa.