Almatyda 45 lıftiniń paıdalaný merzimi ótip ketken

ALMATY. KAZINFORM – Almatyda tekseris kezinde 45 lıftiniń 25 jyldyq paıdalaný merzimi asyp ketkeni belgili boldy.

Bul týraly qalalyq kommýnaldyq ınfraqurylym jáne turǵyn úı ınspektsııasy basqarmasy habarlady. Vedomstvonyń málimetinshe, bıyl áleýmettik ınfraqurylym nysandarynda tehnıkalyq qaýipsizdik talaptarynyń saqtalýyn baqylaýǵa baǵyttalǵan profılaktıkalyq tekserý ótti.

Monıtorıngige 46 lıft, 20 eskalator, 4 travolator jáne erekshe qajettiligi bar adamdarǵa arnalǵan 29 kótergish qurylǵy kirdi. Almaty boıynsha jalpy sany 14 523 lıft bar, onyń 8 420-sy turǵyn úılerde ornatylǵan. Basqarmanyń málimetinshe, 45 lıftiniń 25 jyldyq paıdalaný merzimi asyp ketken.

2025 jyly Ákimdiktiń jobalyq keńsesi aıasynda qalada 110 lıftini jańartý josparlanǵan.

Eske salaıyq, buǵan deıin Astanada jóndeý kezinde lıft qulap, bir jumysshy kóz jumǵan edi.

Zańger Nurjigit Sultanbek Jibek Joly telearnasyna bergen suhbatynda eldegi lıftilerdiń 40 paıyzy jaramsyz ekenin aıtty.