Almatyda 236 myń medıtsınalyq qyzmet qashyqtan kórsetildi

ALMATY. KAZINFORM – Almatyda densaýlyq saqtaý júıesiniń 2025 jyldyń 9 aıyndaǵy jumysy qorytyndylandy.

Almaty ákimdiginiń málimetinshe, qalada medıtsına uıymdarynda 18,5 myńnan astam qyzmetker eńbek etedi, onyń ishinde 5 myńnan astam dáriger jáne 10 myńnan astam orta býyn mamandar. Jyl saıyn qala medıtsına uıymdaryna 400-den astam jas maman jumysqa ornalasady.

Sondaı-aq bıyl telemedıtsına, jasandy ıntellekt jáne qashyqtan densaýlyq monıtorıngin biriktiretin Almaty Digital Medical Center tsıfrlyq medıtsına ortalyǵy iske qosyldy. Patsıentterdi Face ID arqyly sáıkestendirý, elektrondy aýrýhana paraǵy, anyqtamalar jáne ózge de qyzmetter engizildi.

- Qashyqtan kórsetiletin medıtsınalyq qyzmet sany 236 myńǵa jetti. Onkoortalyqta hımıopreparattardy robottandyrylǵan daıyndaý júıesi iske qosyldy, al emhanalarda jasandy ıntellekt elementteri bar daýys kómekshileri jumys isteı bastady, - dep habarlady ákimdikten.

Eske salaıyq, buǵan deıin Almatyda elimizdegi alǵashqy Tsıfrlyq medıtsına ortalyǵy ashylǵanyn jazǵanbyz.