Almaty jylytý maýsymyna qanshalyqty daıyn
ALMATY. KAZINFORM – Almatyda jylytý maýsymyna daıyndyq aıaqtaldy. Bul týraly Almaty ákimdigi habarlady.
Qala ákimdiginiń málimetinshe, daıyndyq jumystary kezeń-kezeńimen júrgizilip, jylý jelileri men elektrmen jabdyqtaýdan bastap, sýmen qamtamasyz etý, gaz júıeleri jáne áleýmettik nysandardy qamtydy.
Jylý jelileriniń jaǵdaıyna erekshe nazar aýdaryldy. «Almaty jylý jelileri» JShS uzyndyǵy 23 km-den astam 51 nysandaǵy jelilerdi qaıta jańǵyrtýdan ótkizdi. Qazir kásiporynnyń daıyndyǵy - 99%.
Sonymen qatar elektr júıelerin jańǵyrtý jumystary júrgizildi. «Alataý Jaryq Kompanııasy» AQ 1100 km-den astam elektr jelilerin jóndep, ondaǵan qosalqy stantsııa men transformator daıyndady. Búginde qaladaǵy elektr jelileriniń daıyndyǵy 100%.
- Aýqymdy jumys jylý kózderinde de júrgizildi. «AlES» AQ óz stantsııalarynyń daıyndyǵyn 84%-ǵa jetkizdi. Sonymen qatar, normadan artyq otyn qory jasaqtaldy – kómir boıynsha 119%, mazýt boıynsha 136%. Bul qysty oıdaǵydaı ótkizýge múmkindik beredi. Al «Almatyjylýkommýnenergo» JShS 68 qazandyqtaǵy jóndeýdi aıaqtap, taǵy 17 nysanda qaıta jańǵyrtý júrgizip jatyr. Kásiporynnyń jalpy daıyndyǵy 98% jetti, - dep habarlady ákimdikten.
Sondaı-aq «Almaty Sý» mekemesi nysandardyń tolyq daıyn ekenin habarlady: uzyndyǵy 42 km-den astam sý jáne káriz jelileri qaıta jańǵyrtyldy.
Gazben jabdyqtaýdyń turaqtylyǵy da rastaldy. «QazaqGaz Aimaq» AQ Almaty fılıaly barlyq josparly jóndeý jáne rekonstrýktsııa jumystaryn aıaqtady. Gaz jelileriniń daıyndyǵy 99%.
- Erekshe nazar mektep, balabaqsha, aýrýhana men turǵyn úılerge aýdaryldy. Jylý maýsymyna 412 bilim berý nysany, turǵyn úı qory boıynsha 9117 ǵımarat tolyq ázirlendi. Densaýlyq saqtaý nysandarynyń daıyndyǵy 92%-dan joǵary deńgeıde qamtamasyz etildi, - dep habarlady ákimdikten.
Eske salaıyq, buǵan deıin Almaty oblysynyń qaı aýdandaryna birinshi jylý beriletinin jazǵanbyz.