Almaty turǵynyna Amerıkadan poshta arqyly esirtki keldi

ALMATY. KAZINFORM — Almatyda polıtsııa shetelden kelgen esirtki salynǵan sálemdemeni anyqtady.

Almaty polıtsııasy esirtki salynǵan qorapty memlekettik kirister departamenti men poshtanyń qaýipsizdik qyzmeti mamandarynyń kómegimen anyqtady.

AQSh-tan marıhýana men esirtkisi bar marmelad salynǵan poshta jóneltilimi
30 jastaǵy jergilikti turǵynǵa arnalǵan.

— Kúdiktiniń turǵylyqty jerin tintý barysynda jasyl tústi, erekshe ıisi bar, ósimdik tektes zat salynǵan 27 qaptama tabyldy jáne tárkilendi. Sot-hımııalyq saraptama taǵaıyndaldy. Jedel is-sharalar barysynda kúdiktiniń qylmystyq sálemdemeni qandaı maqsatpen alǵany anyqtalatyn bolady,— dep habarlady polıtsııadan.

Atalǵan derek boıynsha qylmystyq is qozǵaldy. QR QK-niń 201-babyna sáıkes ózge aqparat tergeý múddesine oraı jarııa etilmeıdi.

Osyǵan deıin Taılandtan esirtki jetkizgen kúdikti 16 jylǵa sottalǵan bolatyn.