Almaty taýlarynda jańa kempıng-aımaǵy ashyldy

ALMATY. KAZINFORM – Teńiz deńgeıinen 3 450 metr bıiktikte ornalasqan Alpıngrad alańda kezekti kempıng-aımaǵy ashyldy. Alpıngrad belsendi demalysqy qumar áýesqoılar arasynda tanymal Amangeldi, Mánshúk Mámetova, Pıoner, 28 panfılovshylar shyńdarymen qorshalǵan. Osy sebepten de Alpıngrad alańy demalysqa qolaıly oryndardyń biri  sanalady.  

– Kempıng-aımaq jaıly demalys úshin barlyq qajettiligimen qamtamasyz etilgen – munda keń shatyr alańdar, jabyq ústelder men oryndyqtar, jaıly kúrke bar. Tipti saǵattap taýda ýaqyt ótkizgen týrısterge gadjetterin zarıadtaý úshin taptyrmas qurylǵy kún panelderimen de jabdyqtalǵan. Sonymen qatar kúrkede kelýshilerdiń qaýipsizdigin qamtamasyz etý úshin sıgnaldy maıak ornatylǵan, - dep habarlady ákimdikten.

Qalalyq týrızm basqarmasynyń málimetinshe, jyl sońyna deıin Almatyda «Terra» alańynda jáne Tıtova kóli mańynda taǵy eki kempıng-aımaqtyń ashylýy josparlanǵan.

Eske salaıyq, buǵan deıin Almatylyq alpınıster qutqarýshylardy ekstremaldy jaǵdaılarda jumys isteýge úıretetinin jazǵanbyz.