Almaty oblysynda órt saldarynan 2 adam mert boldy
QONAEV. KAZINFORM — Almaty oblysy Іle aýdany Kenen Ázirbaev aýylynda 3 úıdi jalyn sharpydy.
Oblystyq TJD málimetinshe, oqıǵa ornyna órt sóndirýshiler kelgende úılerdiń tolyqtaı órtke oranǵany anyqtalǵan. Qońyraýdyń kesh túsýi órt sóndirý jumystaryn qıyndatqan.
— Órtti sóndirýdi joǵary temperatýra, qatty tútin men ǵımarattardyń qurylys erekshelikteri qıyndatty. Sondaı-aq tar ótkelder men tyǵyz salynǵan qurylys qosymsha kedergi boldy — ǵımarattar arasyndaǵy qashyqtyq nebári 1,5–2 metr edi. Órt ornynan eki adamnyń máıiti tabyldy, taǵy bir adam kúıik alyp, aýrýhanaǵa jetkizildi, — dep habarlady Almaty oblysy TJD.
Órtti sóndirýge Almaty oblysy men Almaty qalasynyń TJD kúshteri men quraldarynan 18 adam jáne 6 tehnıka tartyldy.
Eske salaıyq, buǵan deıin Almatyda bazardaǵy iri órt sóndirildi.