Almaty oblysynda kókjótel aýrýy órship tur

QONAEV. KAZINFORM - Osy jyldyń basynan beri Almaty oblysynda kókjótel boıynsha epıdemıologııalyq jaǵdaı nasharlady. Vaktsına almaǵan 5 jasqa deıingi balalar arasynda 11 zerthanalyq rastalǵan jaǵdaı tirkeldi.

«Kókjótel juqtyrǵan 11 balanyń, jeteýinde medıtsınalyq qarsy kórsetilimder boldy. 3 sábıdiń anasy josparly vaktsınatsııadan bas tartqan. Bir jaǵdaıda – bala jasyna qaraı josparly egýge jatpady»,- dep atap ótti departamentten.

Epıdemıologtar balaǵa kókjótelge qarsy josparly ekpelerdi turǵylyqty jeri boıynsha 3, 4, 5 jáne 6 aıynda emhanada tegin alýǵa bolatynyn eske saldy. 

«Al, 18 aıy men 6-7 jasynda revaktsınatsııa jasalady. Alǵashqy 4 vaktsınatsııa ımmýndyq jaýaptyń paıda bolýyna yqpal etedi»,- dep atap ótti vedomstvodan.