Almaty oblysynda bıyl 181 kóshege ataý beriledi
QONAEV. KAZINFORM — Almaty oblysynda onomastıkalyq komıssııanyń kezekti otyrysy ótti.
Oblys ákimdiginiń málimetinshe, ótken jyly óńir boıynsha 678 kóshege ataý berilgen. Sondaı-aq ataýy qaıtalanǵan ne múlde qoıylmaǵan kóshelerdiń máselesi sheshimin tapqan. Odan bólek 154 kóshege soǵys ardagerleriniń esimi berilgen.
Komıssııa otyrysynda bıyl 181 kóshege ataý berý týraly usynystar qaraldy. Olar «Jer-sý ataýlary» jáne «Dástúrli ataýlar» tizimderinen iriktelip alynǵan. Jıynda kóshe ataýlarynyń durys jazylýyn baqylaý, anshlagtardy biryńǵaı talapqa sáıkes ornalastyrý, zańnama talaptarynyń saqtalýyn kúsheıtý máselelerine erekshe nazar aýdaryldy.
Eske salaıyq, 2025 jyly Almatyda 156 kóshege jańa ataý berildi. Olardyń qatarynda Olımpıadanyń qola júldegeri Denıs Tenniń, ǵalym, abaıtanýshy Qaıym Muhamedhanov jáne vetnamdyq qoǵam qaıratkeri Ho Shı Mın jáne Uly Otan soǵysynyń ardageri Sháńgereı Jánibekovtiń esimderi bar.
Al 2024 jyly Almatyda Gagarın dańǵylynyń bir bóligine Ermek Serkebaevtyń, Túrksib aýdandaryndaǵy ataýsyz kóshelerge Eskendir Hasanǵalıev pen ıÝrıı Pomerantsevtiń jáne Áýezov aýdanyndaǵy ıÝbıleınaıa kóshesine Vladımır Tolokonnıkovtyń esimi qoıyldy.
