Almaty oblysynda 1340 jer ýchaskesi paıdalanylmaı jatyr
QONAEV.KAZINFORM - Almaty oblysynda aýdan jáne qala ákimdikteri paıdalanylmaı jatqan aýyl sharýashylyǵy maqsatyndaǵy jerlerdi anyqtaý jumystary júrgizilip jatyr.
Óńir ákimdiginen málim etkendeı, jyl basynan beri jalpy alańy 397 313 gektar bolatyn, 1340 jer ýchaskesiniń paıdalanylmaı jatqany anyqtaldy.
Onyń ishinde memleket menshigine 84 100 gektar jer qaıtaryldy.
« 52 100 gektar jer ıeleriniń óz erkimen qaıtarylsa, qalǵan 32 000 gektary sot sheshimi arqyly memleket menshigine ótti. Bul sharalar aýyl sharýashylyǵy jerlerin tıimdi paıdalaný jáne jer resýrstaryn utymdy basqarý maqsatynda júzege asyrylyp jatyr»,- delingen habarlamada.
Osyǵan deıin Almaty oblysynyń Jer resýrstaryn basqarý departamenti aýdany 99 ga jer ýchaskesin memleket menshigine qaıtarý týraly sheshim qabyldaǵany týraly jazǵan edik. https://kaz.inform.kz/news/almati-oblisinda-99-ga-zher-memleket-menshgne-kaytarildi-f884b1/
