Almaty men Qyrǵyzstannyń Qarakóli arasynda tikeleı reıs ashylady
ASTANA.KAZINFORM - 2025 jyldyń 5 jeltoqsanynan bastap Qyrǵyzstannyń Asman Airlines áýe kompanııasy Almatydan «Qarakól» halyqaralyq áýejaıyna turaqty tikeleı reıs ashady, dep habarlaıdy Kazinform agenttiginiń menshikti tilshisi.
Qyrǵyzstan áýejaılarynyń málimeti boıynsha, reıster aptasyna eki ret (juma jáne jeksenbi kúnderi) oryndalady. Ushý ýaqyty - 35 mınýt.
Almaty men Qarakól arasynda áýe qatynasy buǵan deıin 2010 jyldary bolǵan, biraq 1970 jyldan beri turaqty reıs bolmaǵan.
-Jańa reıs belsendi saıahatshylarǵa, eń aldymen Qarakóldi aımaqtaǵy tanymal shańǵy baǵyttarynyń biri retinde tańdaıtyn qazaqstandyq saıahatshylarǵa arnalǵan, - delingen habarlamada.
Bıletterdi www.asmanairlines.kg saıtynan onlaın nemese Asman Airlines mobıldi qosymshasy arqyly satyp alýǵa bolady.
Buǵan deıin Qazaqstan men Qyrǵyzstan arasyndaǵy «Qarqyra-Avtodorojnyı» shekara beketi 2025 jyldyń 25 tamyzynan bastap táýlik boıy jumys isteıtini habarlanǵan bolatyn.
Qyrkúıek aıynda Qazaqstan men Qyrǵyzstan halyqaralyq avtobýs baǵyttaryn qaıta jandandyrdy.