Almaty – Qulja baǵytyna ushatyn reıster jıileıdi
ASTANA. KAZINFORM — Almaty – Inın (Qulja) – Almaty áýe baǵyty boıynsha ushý jıiligi artady.
2025 jylǵy qazan aıynan bastap reıster aptasyna úsh ret oryndalady. Jolaýshylar seısenbi, beısenbi jáne jeksenbi kúnderi usha alady. Qazirgi ýaqytta ushýlar aptasyna eki ret — beısenbi jáne jeksenbi kúnderi júzege asýda.
- Inın (Qulja) Qytaıdyń Shyńjań Uıǵyr avtonomııalyq aýdanynda ornalasqan. Bul óńir Qazaqstanmen tarıhı ári mádenı baılanystary tereń aımaq bolyp sanalady. Yńǵaıly geografııalyq ornalasýy men qazaq dıasporasynyń kóptigine baılanysty qala eki el arasyndaǵy mádenı jáne ekonomıkalyq qatynastardyń mańyzdy ortalyǵyna aınalyp otyr, - dep jazylǵan aqparatta.
Atalǵan baǵyt 2025 jylǵy 18 mamyrdan bastap oryndala bastady jáne qazaqstandyq-qytaılyq jolaýshylar tarapynan turaqty joǵary suranysqa ıe.
2023 jylǵy 10 qarashadan bastap Qazaqstan men Qytaı arasynda vızasyz rejım engizilse, 2024 jyl Qytaıda Qazaqstan týrızminiń jyly bolyp ótti.
Al 2025 jyl Qazaqstanda Qytaı týrızminiń jyly bolyp jarııalanǵan. Osyǵan oraı reısterdiń jıiligin arttyrý memleketaralyq baılanystardy nyǵaıtyp, týrıster úshin jańa múmkindikter ashady.
Almaty – Inın (Qulja) baǵyty boıynsha 2025 jylǵy 23 qazanǵa deıingi bıletterdi áýe kompanııasynyń mobıldi qosymshasy nemese resmı saıtynan brondaýǵa bolady.