09:48, 13 Aqpan 2026 | GMT +5
Almaty kósheleriniń biri 4,5 aıǵa jabylady
ALMATY. KAZINFORM – Serikov kóshesinde qozǵalys ýaqytsha shekteledi. Bul týraly Almaty ákimdigi habarlady.
Rysqulov dańǵylynan qala shekarasyna deıin Tilendıev kóshesin uzartýǵa baǵyttalǵan qurylys-montaj jumystaryna baılanysty Serikov kóshesiniń bir bóliginde qozǵalysqa ýaqytsha shekteý engiziledi.
- 14 aqpannan 30 maýsymǵa deıin Hamıt Altaı kóshesimen qıylysta qozǵalys tolyq jabylady. Bul aýmaqty Qýanyshbaev jáne Maıqanova kósheleri arqyly aınalyp ótýge bolady. Jumys júrgiziletin aýmaqta eskertý belgileri men merdiger uıymnyń baılanys deregi kórsetilgen aqparattyq taqta ornatylady, - dep habarlady ákimdikten.
Eske salaıyq, buǵan deıin Almatyda 2026 jyly qandaı kósheler uzartylatynyn jazǵanbyz.
