Álıhan Smaıylov balalardy merekemen quttyqtady

NUR-SULTAN. QazAqparat – QR Premer-Mınıstri Álıhan Smaıylov qazaqstandyq búldirshinderdi merekemen quttyqtady, dep habarlaıdy QazAqparat tilshisi.

«Búgin 1 maýsym - Halyqaralyq balalardy qorǵaý kúni. Bıyl bul merekeniń qazaqstandyq balalar men ata-analar úshin erekshe máni bar. Óıtkeni, Memleket basshysynyń Jarlyǵymen 2022 jyl Balalar jyly bolyp jarııalandy. Barlyq kishkentaı balǵyndarymyzdy osy shýaqty merekemen quttyqtaımyz. Jazǵy demalystary jaqsy ári qyzyqty ótsin. Balalarǵa qamqorlyq jasaý, olardyń quqyqtaryn qorǵaý memlekettiń asa mańyzdy mindetteriniń biri», - dedi Álıhan Smaıylov búgin Úkimet otyrysy barysynda.

Qazirgi ýaqytta Úkimet otyrysynda balalar jylyn ótkizý máselesi qaralyp jatyr. Onda QR Bilim jáne ǵylym vıtse-mınıstri Sholpan Karınova, Densaýlyq saqtaý mınıstri Ajar Ǵınııat atalǵan másele boıynsha baıandama jasaýda.