Alǵys aıtý kúni -Qazaqstan halqynyń yntymaǵynyń kúni - QHA
Qazaqstan halqy Assambleıasy Keńesiniń
ÚNDEÝІ
Qurmetti otandastar!
1 naýryz kúni biz jalpyhalyqtyq mereke - Alǵys aıtý kúnin atap ótýdemiz. Bul mereke bizdiń ortaq tarıhymyzdyń sımvoly, Qazaqstan halqynyń jalpyulttyq birliginiń, qurmeti men yntymaǵynyń kúni.
Bul - Uly Dala eliniń ulaǵatty ótkenine taǵzym, Máńgilik Eldiń búginine jáne Bolashaǵy birtutas eldiń erteńine degen nyq senim.
Elbasy Nursultan Ábishuly Nazarbaevtyń bastamasymen bekitilgen Alǵys aıtý kúni - beıbitshilik pen kelisimniń prezıdenttik saıasatynyń jarqyn kórinisine aınaldy.
Memleket basshysynyń syndarly saıasatynyń arqasynda el ishinde qalyptasqan ózara túsinistik pen bir-birine qoldaý kórsetý bizdiń elimizdiń, bizdiń qazaqstandyq úlken otbasynyń rýhanı qaǵıdaty bolyp qalyptasty.
Búgin biz, mıllıondaǵan adamdardyń óz ulttyq erekshelikterin saqtap, baqytyn tapqan Otanyna aınalǵan kıeli qazaq jerine, qaıyrymdylyǵy men keńpeıildigi, danalyǵy men qonaqjaılyǵy úshin qazaq halqyna alǵys aıtamyz.
Qıyn-qystaý jaǵdaıda bir-birine qol ushyn sozyp, ıyq tirep kómek kórsetý - Dala halqy úshin jazylmaǵan zań. Mundaı dúnıetanymnyń negizinde adamǵa degen shynaıy qurmet qalyptasqan.
Otanymyzdyń tarıhy men jınaqtaǵan tájirıbesinen asqaq gýmanızmniń, adal nıet pen shynaıy rızashylyqtyń myńdaǵan dálelderin kórýge bolady.
Kóptegen jyldar boıy mıllıondaǵan taǵdyrlardyń toǵysýy, júzdegen etnostardyń ózara aralasýy, dástúrleri men ómirlik ustanymdarynyń ushtasýy dara Kóshbasshymyzdyń jetekshiligimen, qaıtalanbas rýhanı jáne biregeı mádenıeti qalyptasqan ult bolyp uıysyp, bolattaı berik birligi bar eńseli el bolýymyzǵa negiz qalady.
Bul - Qazaqstannyń Táýelsizdik jyldary qol jetkizgen barlyq jetistikterin aıqyndap, Úshinshi jańǵyrýdyń mindetterin abyroımen oryndaýǵa berik irgetas bolyp otyr.
Alǵys aıtý kúni, Qazaqstan halqyna tán asyl qasıetter - patrıotızm, abyroı men ádildik, qurmetteý men izgilik qosymsha serpin alady.
Bul kúni biz, ata-babalarymyzdy rızashylyqpen eske alamyz, ata-analarymyzǵa, muǵalimderimizge, zeınetkerlerge, ardagerlerge, bir-birimizge alǵys aıtyp, halqymyzdyń qaıyrymdylyq dástúrlerin jalǵastyramyz.
Biz, búgin, asharshylyq pen qýǵyn-súrgin jyldary jazyqsyz japa shekken qazaq halqynyń uldary men qyzdaryna pana bolǵan elderge sheksiz rızashylyǵymyzdy bildiremiz! Bizdiń alǵysymyz ben dostyǵymyzdy qabyl alyńyzdar!
Biz, 1 naýryzda - qoǵamdyq kelisim men jalpyulttyq birlikti nyǵaıtýdyń irgetasy, Ult Kóshbasshysy basqaratyn Qazaqstan halqy Assambleıasynyń qurylǵan kúnin atap ótemiz.
Halyqtyq Assambleıa ótken 22 jylda barlyq 18 mıllıon qazaqstandyqty jalpyazamattyq tuǵyrnamaǵa toptastyrdy.
Búgingi tańda, Qazaqstannyń barsha halqy Qazaqstan halqy Assambleıasynyń Tóraǵasy, elimizdiń Tuńǵysh Prezıdenti - Nursultan Ábishuly Nazarbaevqa eldegi beıbitshilik, tynyshtyq, turaqtylyq pen bolashaqqa degen senim úshin asqan rızashylyqpen ystyq yqylasyn bildiredi.
Biz Elbasyn, Qazaqstan halqyn Alǵys aıtý kúnimen, Qazaqstan halqy Assambleıasynyń qurylǵan kúnimen quttyqtaımyz, ortaq úıimizdegi beıbitshilik pen kelisim úshin barshańyzǵa rızashylyǵymyzdy bildiremiz.
Biz, tarıhı zerdeni saqtaý jáne bizdiń jalpyulttyq qundylyqtarymyzdy eseleý arqyly ǵana, bizdiń ortaq maqsatymyz - turaqty, gúldengen jáne órkendegen Qazaqstandy quratynymyzǵa senimdimiz!
***
Eske sala ketsek, 2016 jylǵy 14 qańtarda Qazaqstan Respýblıkasynyń Prezıdenti Nursultan Nazarbaev Qazaqstan halqy Assambleıasynyń qurylǵan kúni - 1 naýryzdy elimizde Alǵys aıtý kúni dep jarııalap, № 173 Jarlyqqa qol qoıǵan bolatyn.
