Alǵashqy áskerı daıyndyq pániniń ataýy ózgeredi

ASTANA. QazAqparat –Premer-Mınıstr Álıhan Smaıylov Senat depýtattarynyń saýalyna bergen jaýabynda «Alǵashqy áskerı jáne tehnologııalyq daıyndyq» (AÁTD) pániniń ataýy ózgeretinin málim etti, dep habarlaıdy QazAqparat tilshisi.

«Qazirgi kezde Oqý-aǵartý mınıstrligi bilim alýshylarda áskerı is negizderi boıynsha qajetti bilimdi, iskerlikti, tótenshe jaǵdaılarda qajet daǵdylardy ıgerýdi qalyptastyrý úshin AÁTD pánin «Bastapqy áskerı daıyndyq» páni dep ózgertý jumystaryn júrgizýde.

Y. Altynsarın atyndaǵy Ulttyq bilim akademııasynyń bazasynda quramynda praktık-muǵalimder, jetekshi ǵalymdar, ádiskerler qatarynan 300-ge jýyq ázirleýshi bar jumys toptary qoldanystaǵy baǵdarlamalardy jetildirýmen aınalysýda», - dep jazylǵan jaýapta.

Sonyń ishinde AÁTD pániniń qoldanystaǵy baǵdarlamasy da jetildirilip jatyr.

«Oqý baǵdarlamalary jetildirilgennen keıin AÁTD pánin oqytýdyń kúntizbelik-taqyryptyq josparynyń mazmuny qaıta qaralatyn bolady», - dep jazady Úkimet basshysy.