Álemdik reıtıngide Aleksandr Býblık alǵash ret 11-orynǵa kóterildi

ASTANA. KAZINFORM — Kásibı tennısshiler qaýymdastyǵy (ATP) jarııa etken reıtıngide qazaqstandyqtardyń oryndary belgili boldy.

Qazaqstannyń birinshi raketkasy Aleksandr Býblık 13-ten 11-orynǵa shyqty. Bul — onyń álemdik reıtıngidegi jeke rekordtyq kórsetkishi. Ótken aptada Býblık 16-dan 13-ke kóterilgen edi.

Osylaısha, A.Býblık úzdik ondyqqa kirýge jaqyndady. 

Qazirgi kezde Italııanyń Týrın qalasynda ótip jatqan ATP qorytyndy týrnırinde qazaqstandyq tennısshi qosalqy oıynshy retinde tirkelgen. 

Taǵy bir qazaqstandyq Aleksandr Shevchenko 97-den 95-ke joǵarylady.

Álemdik reıtıngide ıspanııalyq Karlos Alkaras ıtalııalyq ıAnnık Sınnerdi yǵystyryp, qaıtadan kósh bastady. Germanııalyq Aleksandr Zverev úzdik úshtikti túıindep tur. 

Eske sala keteıik, budan buryn Rybakınanyń WTA qorytyndy týrnırin utqan alǵashqy azııalyq tennısshi atanǵanyn jazǵan edik. 

Sondaı-aq Qasym-Jomart Toqaev tennısshi Elena Rybakınany jeńisimen quttyqtady.

Elena Rybakına álemdik reıtıngide úzdik bestikke endi.