Álem chempıonaty: Qazaqstandyq 4 boksshy fınalǵa shyqty

Armenııanyń Erevan qalasynda ótip jatqan bokstan ıýnıorlar arasyndaǵy álem chempıonatynyń aqtyq kezeńinde Qazaqstan quramasynan 4 boksshy óner kórsetedi. Kazinform bul týraly Sports.kz-ke silteme jasap habarlaıdy.

Fınal jekpe-jekteri 3 jáne 4 jeltoqsanǵa josparlanǵan.

3 jeltoqsanda Qazaqstan sapynan: Aıajan Sydyq (54 kg) Úndistan ókili Amısha Kerkettamen, Tolǵanaı Qasymhan (60 kg) reseılik Kıra Leonovamen, al Aısulý Muhıt (66 kg) rýmyndyq sportshy Amalıa Týgýımen kezdesedi.

4 jeltoqsanda erler arasynda Qazaqstan quramasynan 54 kelige deıingi sanatta Nurasyl Tólebek úndistandyq Djatınmen judyryqtasady.