Aleksandr Býblık Parıj masters týrnırin jeńispen bastady

ASTANA. KAZINFORM – Qazaqstannyń birinshi, álemniń 33-raketkasy, 27 jastaǵy Aleksandr Býblık Parıj masters týrnıriniń ekinshi aınalymyna shyqty.

Qazaqstandyq tennısshi bastapqy kezdesýin kezinde dúnıejúzilik reıtıngide 9-orynǵa deıin kóterilgen, qazir 79-satyda turǵan 37 jastaǵy ıtalııalyq Fabıo Fonınımen ótkizdi.

Osyǵan deıin A.Býblık Chendý (Qytaı) týrnırinde úshinshi aınalymnan asa almasa, odan keıin Beıjiń, Shanhaı jáne Bazelde birinshi matchta-aq jeńilis tapqan edi.

Bul joly birinshi partııada asa tájirıbeli ıtalııalyq tennısshi 2:0 esebimen alǵa ketkenimen, Býblık ese qaıtara bildi – 7:5.

Ekinshi set te dál osyndaı eseppen aıaqtaldy – 7:5.

Bir saǵat 27 mınýtqa sozylǵan báseke barysynda qazaqstandyq sportshy 15 eıspen birge 5 breık-poınttyń úsheýin óz esebine jazdy. Fonını 3 eıs, 1 breıkpen (3 breık-poınt) shekteldi. 

Aleksandr Býblık 1/8 fınalǵa shyǵý úshin álemniń 13-raketkasy, danııalyq Holger Rýne nemese reıtıngide 38-satydaǵy taǵy bir ıtalııalyq Matteo Arnaldıdiń qaı jeńgenimen talasady.

A.Býblık osy dodada juptyq synda reseılik Karen Hachanovpen birge óner kórsetedi. 

Eske sala keteıik, budan buryn ıÝlııa Pýtıntsevanyń álemdik reıtıngtiń úzdik kórsetkishine jaqyndaǵanyn jazǵan bolatynbyz. 

Sondaı-aq Elena Rybakına jyldyń qorytyndy týrnırine qatysady.