Aleksandr Býblık Qytaıdaǵy týrnırde bas júlde úshin talasady

ASTANA. KAZINFORM — Qazaqstannyń birinshi, álemniń 19-raketkasy Aleksandr Býblık Chanchjoý (Qytaı) ATR 250 týrnıriniń fınalyna shyqty. 

Jarystyń 3-raketkasy bolyp tirkelgen qazaqstandyq tennısshi jartylaı fınalda dúnıejúzilik reıtıngide 196-satydaǵy qytaılyq Ý Ibındi qapy qaldyrdy.

Eki set te 6:3 esebimen aıaqtaldy.

Bir saǵatqa sozylǵan kezdesýde Býblık 19 eıs jasap, 5 breık-poınttyń úsheýin paıdalandy. Ibın 2 eısten asa almady.

Aleksandr Býblık fınalda álemniń 88-raketkasy, frantsııalyq Valenten Rýaemen chempıondyq ataqty sarapqa salady. 

Ótken jyly Hanchjoýda horvatııalyq Marın Chılıch úzdik shyqqan edi.

Taǵy bir qazaqstandyq Aleksandr Shevchenko Chendý (Qytaı) ATR 250 týrnıriniń jartylaı fınalynda álemniń 9-raketkasy, ıtalııalyq Lorentso Mýzettıge ese jiberdi — 3:6, 1:6.

Degenmen, jartylaı fınalǵa deıin jetken A.Shevchenko qazirgi kezde ATP Live reıtıngisinde 96-dan 88-orynǵa kóterilip tur.

Eske sala keteıik, budan buryn Aleksandr Býblıktiń Qytaıdaǵy týrnırdiń jartylaı fınalynda oınaıtynyn jazǵan edik. 

Sondaı-aq Aleksandr Shevchenko Qytaıdaǵy jarystyń jartylaı fınalyna shyqty. 

Denıs Evseev Qytaıdaǵy týrnırde jergilikti tennısshini utty.