Aleksandr Býblık Germanııadaǵy jarysty jeńispen bastady

ASTANA. KAZINFORM — Qazaqstannyń birinshi, álemniń 76-raketkasy Aleksandr Býblık Mıýnhen (Germanııa) ATP 500 týrnırinde irikteý saıysynyń fınalyna shyqty. 

Іrikteý dodasynyń 3-raketkasy bolyp tirkelgen qazaqstandyq tennısshi aldymen dúnıejúzilik reıtıngide 130-orynda turǵan Shveıtsarııa ókili Aleksandr Rıchardpen jolyqty.

Býblık 6:2, 6:3 esebimen senimdi jeńiske qol jetkizdi.

Bir saǵat 10 mınýtqa sozylǵan báseke barysynda Býblık 5 eıspen birge 8 breık-poınttyń úsheýin múlt jibermedi. Rıchard 2 eısten asa almady.

Aleksandr irikteý saıysynyń fınalynda reıtıngide 546-satydaǵy germanııalyq, 17 jastaǵy Dıego Dedýra-Palomerony jeńse, negizgi týrnırde baq synaıdy.

Eske sala keteıik, budan buryn Qazaqstan jasóspirimderiniń ekinshi ret álem chempıonatynyń fınaldyq kezeńine joldama alǵanyn jazǵan bolatynbyz.

Sondaı-aq Aleksandr Shevchenko Mıýnhende irikteý saıysynyń fınalyna ótti.