Aleksandr Býblık eıs sany jóninen álemde úzdik bestikke kirdi

ASTANA. KAZINFORM – Qazaqstannyń birinshi, álemniń 11-raketkasy Aleksandr Býblık eıs sany jóninen maýsym qorytyndysy boıynsha tańdaýlylar qatarynan kórindi.

Qazaqstandyq tennısshi 674 eıs jasap, besinshi orynǵa ıe boldy.

Álemniń 6-raketkasy, amerıkalyq Teılor Frıts 867 eıspen kósh bastasa, onyń otandasy Raıllı Opelka (790) ekinshi, kanadalyq Felıks Oje-Alıassım (783) úshinshi satyǵa jaıǵasty. 

Chehııalyq ıAkýb Menshık Býblıkten 679 eıspen sál ǵana ozyp, tórtinshi orynǵa taban tiredi.

A.Býblık sonymen qatar sensatsııalyq nátıje boıynsha álemde TOP-5-ke kirdi. Ol Galle (Germanııa) ATP 500 týrnıriniń ekinshi aınalymynda kóshbasshy tennısshilerdiń biri, ıtalııalyq ıAnnık Sınnerdi 3:6, 6:3, 6:4 esebimen utqan bolatyn. 

Qazaqstandyq tennısshi bıyl sporttyq jolynda úzdik maýsymyn ótkizip, Gallege qosa Gshtaad (Shveıtsarııa), Hanchjoý (Qytaı) jáne Kıtsbıýel (Aýstrııa) ATP 250 jarystarynda úzdik shyqty. Sonyń nátıjesinde álemdik reıtıngide 11-orynǵa kóterildi.

Budan buryn Qazaqstannyń áıelder arasynda birinshi, álemniń 5-raketkasy Elena Rybakına osy maýsymda 78 matchta 516 eıs jasap, ozyq kórsetkishke qol jetkizgen bolatyn. Ol 66 oıynda 373 eıske qol jetkizgen chehııalyq Lında Noskovadan qara úzip ketti.

E.Rybakına bıyl Strasbýrg (Frantsııa) jáne Nınbo (Qytaı) WTA 500 jáne Er-Rııadta jyldyń qorytyndy týrnırinde chempıon atandy.

Eske sala keteıik, budan buryn Elena Rybakına álemde eıs sany jóninde úzdik atanǵanyn jazǵan bolatynbyz.

Sondaı-aq 18 jastaǵy Ámir Omarhanov álemdik reıtıngide birden 241 satyǵa joǵarylady.