Aleksandr Býblık Almaty týrnırine keletin boldy

ASTANA. KAZINFORM – Qazaqstan erler quramasynyń kóshbasshysy Aleksandr Býblık 11-19 qazan aralyǵynda ótetin Almaty Open ATP 250 týrnırinde oınaıdy.

Qazaqstan tennıs federatsııasynan málim etkenindeı, A.Býblıktiń elimizdegi jyldyń basty tennıs jarysyna qatysatyny resmı rastaldy.

Aleksandr Býblık – álemdegi eń tanymal oıynshylardyń biri. Ol bes ret ATR týrnırlerinde chempıon atanǵan: Galle ATR 500 (2023, 2025), Monpele ATR 250 (2022, 2024) jáne Antverpen ATR 250 (2024).

Aleksandr Býblık qazaqstandyq jankúıerlerdiń kóz aldynda Almaty Open ATP 250 týrnırinde alǵash ret óner kórsetpek. 

- Óz alańymyzda oınaý erekshe jaýapkershilik ústeıdi ári úlken dem beredi. Men Almaty kortyna shyǵý sátin asyǵa kútemin, jankúıerlerimizdi jarqyn oıyn, jaqsy nátıjemen qýantamyn dep úmittenemin. Óz jankúıerlerimizdiń qoldaýy árqashan kúsh beredi, - dedi tennısshi.

Eske sala keteıik, budan buryn qazaqstandyq jas tennısshilerdiń Qyrǵyzstandaǵy týrnırde úzdik shyqqanyn jazǵan edik.